ထိုင်းနိုင်ငံ၊ ဖူးခက်မှာ ဆောက်လုပ်ရေးပန်းရံလုပ်နေတဲ့ တရားမ၀င် တရုတ်အလုပ်သမားတွေကို ဖမ်းဆီး
ထိုင်းနိုင်ငံ၊ ဖူးခက်မှာ ဆောက်လုပ်ရေးပန်းရံလုပ်နေတဲ့ တရားမ၀င် တရုတ်အလုပ်သမားတွေကို ဖမ်းဆီး ဒီဇင်ဘာ ၂၈ ရက် ခွန်သောမတ်၊ Migrant Times ထိုင်းနိုင်ငံတောင်ပိုင်း၊ ဖူးခက်ကျွန်းပြည်နယ်၊ မွိုင်မြို့နယ် ချွန်ထာလေရပ်ကွက်၊ ဟိုတယ်ဆောက်လုပ်ရေးတစ်ခုမှာ တရားမဝင် အလုပ်လုပ်ကိုင်နေတဲ့ တရုတ်နိုင်ငံသား ၃၀ ဦးခန့်ကို ဖူးခက်ကျွန်း ရဲတပ်ဖွဲ့က ဖမ်းဆီးမိခဲ့ကြောင်း သိရပါတယ်။ဒေသခံ သတင်းပေးမှုအရ သွားရောက်စစ်ဆေးရာမှာ ဆောက်လုပ်ရေးနဲ့ အိမ်တွင်းအလှဆင်လုပ်ငန်း လုပ်ကိုင်နေတဲ့ တရားမ၀င် တရုတ် အလုပ်သမားတွေကို တွေ့ရှိ ဖမ်းဆီးမိခဲ့ကြောင်း ရဲအရာရှိတစ်ဦးက ပြောပါတယ်။အဲဒီတရုတ်နိုင်ငံသားအများစုဟာ ဗီဇာသက်တမ်းကုန်နေသူတွေဖြစ်ပြီး ဆောက်လုပ်ရေးလုပ်ငန်းခွင် ပရိဘောဂ အလှဆင်အလုပ်ကို ကျွမ်းကျင်တာကြောင့်တစ်ရက်လုပ်အားခကို ဘတ် ၂၅၀၀ ကနေ ၃၀၀၀ အထိ ရရှိတယ်လို့ ဆိုပါတယ်။သူတို့ရဲ့ နေရာထိုင်ခင်း၊ အစားအသောက်၊ သွားလာရေးကို မန်နေဂျာက စီစဥ်ပေးကြောင်းလည်းသိရပါတယ်။သူတို့ကို […]