အစ္စရေးမှာ ထိုင်းအလုပ်သမား ၂ ဦး သေဆုံးပြီး ၈ ဦး ဒဏ်ရာရ၊ ၁၁ ဦး ဖမ်းဆီးခံရ
အောက်တိုဘာ ၉ ရက်
ခွန်သောမတ်၊ Migrant Times
- အစ္စရေးနိုင်ငံကို ပါလက်စတိုလ်း ဟားမတ်စ် တိုက်ခိုက်မှုကြောင့် အစ္စရေးနိုင်ငံက ထိုင်းအလုပ်သမား ၂ ဦး သေဆုံးပြီး ၈ ဦး ဒဏ်ရာရရှိကာ ၁၁ ဦး ဓားစာခံ အဖြစ် ဖမ်းဆီးခံထားရတယ်လို့ သိရပါတယ်။အစ္စရေးနိုင်ငံကို ဟားမတ်စ်တိုက်ခိုက်မှုမှာ ထိုင်းလူမျိုးတွေ သေဆုံးထိခိုက်မှုနဲ့ပတ်သက်လို့ Tel Aviv မြို့ ထိုင်းနိုင်ငံဆိုင်ရာ သံအမတ်ကြီး မစ္စ Phanpha Chandrarom က အတည်ပြုသတင်းထုတ်ပြန်ထားတာဖြစ်ပါတယ်။လက်ရှိမှာ တိုက်ပွဲေတွ ဆက်လက်ဖြစ်ပွားနေဆဲဖြစ်တာမို့ ထိုင်းနိုင်ငံသား အလုပ်သမားတွေကို နေအိမ်တွင်သာ နေထိုင်ဖို့ အသိပေး ထားပြီး ဘန်ကာရှိရင် အစ္စရေးက ကြေညာထားတဲ့အတိုင်း လုပ်ဆောင်ဖို့နဲ့ ထိုင်းနိုင်ငံကို ပြန်လိုသူ အလုပ်သမားတွေကို ပြန်ပို့နိုင်ဖို့ပြင်ဆင်နေကြောင်း၊ အစ္စရေးက လေယာဉ် ဆင်း၊ တက်ခွင့် ပြု၊ မပြု စောင့်ကြည့်ရမှာ ဖြစ်ကြောင်း ထိုင်းအလုပ်သမားဝန်ကြီးက ပြောပါတယ်။အစ္စရေးတပ်နဲ့ ပါလက်စတိုင်း ဟားမတ်စ် လက်နက်ကိုင်အဖွဲ့ တိုက်ပွဲမှာ နှစ်ဘက်လုံးမှာ လူရာနဲ့ချီ သေဆုံးခဲ့ပြီး “ရှည်လျားပြီး ခက်ခဲတဲ့ စစ်ပွဲကို ဝင်ပါဖို့” လူထုကို တိုက်တွန်းကြောင်း အစ္စရေး ၀န်ကြီးချုပ် Benjamin Netanyahu က ပြောဆိုထားပါတယ်။
ကိုးကား-www.thaipbs.or.th
![](https://www.migranttimes.com/wp-content/uploads/2023/10/387761728_608179244846367_1793853304257117753_n-300x171.jpg)