တောင်ကိုရီးယားမှာ သင်္ဘောမီးလောင်လို့ မြန်မာ သင်္ဘောသားတစ်ဦး ဒဏ်ရာရ
ဇွန် ၁၉ ရက်
အရုဏ်ဦး၊ Migrant Times
- တောင်ကိုရီးယားနိုင်ငံမှာ သင်္ဘော မီးလောင်ရာက မြန်မာသင်္ဘောသားတစ်ဦး မီးလောင်ဒဏ်ရာ ရခဲ့တယ်လို့ သိရပါတယ်။တောင်ကိုရီးယားနိုင်ငံ၊ ဂယောင်ဆန်တောင်ပိုင်းပြည်နယ် ၊ချန်းဝါန်မြို့ နဲ့ဆောင်းဆန်မြို့ ဂွီဆန်ဒုန် မာဆန် တံတားအနီးမှာ တန် ၅ထောင်ရှိ သင်္ဘောတစ်စီး ဇွန် ၁၈ ရက် နေ့လယ်ပိုင်းက မီးလောင်ခဲ့တာဖြစ်ပါတယ်။မီးလောင်မှုဖြစ်တဲ့ သင်္ဘောကို ပင်လယ်ကမ်းခြေစောင့် ရဲဝန်ထမ်းတွေက မီးငြိမ်းသတ်ကာ သင်္ဘောသားတွေကို ကယ်ဆယ်ပေးခဲ့တယ်လို့ သိရပါတယ်။မီးလောင်တဲ့သင်္ဘောဟာ တစ်နာရီအကြာမှာ မီးညွန့် ကျိုးခဲ့သွားခဲ့ပြီး သင်္ဘော မီးလောင်မှုကြောင့် အသက် ၃၀နှစ်အရွယ်ရှိ မြန်မာ သင်္ဘောသားတစ်ဦးရဲ့ ကျောကုန်း မီးလောင်ဒဏ်ခံရာရလို့ နီးစပ်ရာ ဆေးရုံမှာ ဆေးကုသမှု ခံယူနေရတယ်လို့ သတင်းတွေက ဆိုပါတယ်။သင်္ဘောစက်ခန်းထဲကနေ မီးစလောင်တာဖြစ်ပြီး တာဝန်ရှိသူကို မီးလောင်မှုနဲ့ ပတ်သက်ပြီး စစ်ဆေးမယ်လို့ သိရပါတယ်။
